O APALPADOR
Nalgunhas comarcas da alta montaña do
este da Galiza, no Courel, Lóuzara e o Cebreiro; mantíñase até datas moi
recentes a tradición do Apalpador, un xigante con oficio de carboeiro, que, no
Nadal, baixaba das devesas onde moraba para as aldeas, coa intención de apalpar
as barrigas dos nenos e das nenas para comprobar se estaban ben mantidas. O
Apalpador vixiaba que vivisen con fartura, desexáballes que no vindeiro ano continuasen
a non pasar fame, e deixáballes unha presa de castañas quentes como agasallo e
lembranza da súa visita.
Posibelmente esta antiga tradición do
Apalpador sexa un dos máis antigos vestixios da nosa cultura. E como parte dun
patrimonio ameazado debemos obtar por mantelo e actualizalo.
Deixemos que sexa un galego, un honesto e
trabalhador carboeiro, quen veña cos presentes para as nosas casas, e que as
castañas de antano sexan acompañadas por outros bens que a súa xenerosidade de
seguro lle permite doar.